अध्यक्षको कलमबाट
“हामी प्रतिवद्घ छौ ”
“एकका लागि सबै र सबैका लागि एक” यहि नै सहकारीको मुलमन्त्र हो । सहकार्य यसको सँस्कृती हो । छिरल्लिएर रहेका स-सानो पूँजीलाई संकलन गरी बचत सँस्कृतिको विकास गर्दै सामाजिक उत्तरदायित्व अन्तर्गत आफ्ना सदस्यहरुको आर्थिक, सामाजिक र साँस्कृतिक उत्थान गर्नु नै सच्चा सहकारीको ध्येय हो, धर्म हो र कर्म पनि यही हो ।
२०६१ सालमा स्थापना भई २०६४ चैत्रबाट विधिवत चलेको सहकारीलाई हामी नीति, विधि र प्रविधि मैत्री सहकारीको रुपमा संचालन गरी असल कर्मको सारथी बन्न चाहन्छौँ । यसका लागि हाम्रो छाता संस्था नेफ्स्कूनको नीति निर्देशनलाई आत्मासाथ गर्दै अघि बढ्नु हाम्रो मुलकर्तव्य ठानेका छौँ ।त्यसैले त हामी प्रोवेशन ब्राण्ड को प्रक्रियामा सहभागी छौ ।
असल कर्मको फल असल नै हुन्छ भन्ने मान्यताको साथ आज हामी जहाँ छौ त्यसका लागि हाम्रा आदर्णीय शेयर सदस्यज्यूहरु, विभिन्न तह र तप्कामा रहेर टेवादिने सहकर्मी मित्रहरु र सम्पूर्ण कर्मचारीहरुको लगनशिलता र कडा परिश्रमप्रति हार्दिक आभार ब्यक्त गर्दछु । र आगामी दिनहरुमा अझै उच्च मनोवलका साथ सहकारीको श्रीबृद्घिमा मन, वचन र कर्मले सबै लागौँ, यही शुभकामना सहित प्रतिवद्घता व्यक्त गर्न चाहन्छु ।
धन्यवाद
जय सहकारी
निरज थापा
अध्यक्ष